ನೆನ್ನೆಗಳ ನೆನಪುಗಳೆ ನಾಳೆಯ ಭರವಸೆಯೋ
ನಾಳೆಗಳ ಕನಸುಗಳೆ ಇಂದಿನ ನಂಬಿಕೆಯೋ
ಅದು ಯಾರೋ ಮಾಡಿದ ತಪ್ಪು ಇದು
ಇನ್ಯಾರಿಗೋ ಶಿಕ್ಷೆ ಬೇಕೆನಮ್ಮ
ಅಪರಂಜಿಯಂತಿರೋ ಜೀವ ಅದು
ಅಪರಾಧಿ ಪಟ್ಟವು ಇನ್ಯಾಕಮ್ಮ
ಎದೆಯಾ ದಹಿಸೋ ದುಃಖ ಮನೆಯಲ್ಲಿದೆ
ದೈವ ಕ್ಷಮಿಸೋ ತ್ಯಾಗದ ದೇವತೆ ಸೆರೆಮನೆಯಲ್ಲಿದೆ
ನೆನ್ನೆಗಳ ನೆನಪುಗಳೆ ನಾಳೆಯ ಭರವಸೆಯೋ
ನಾಳೆಗಳ ಕನಸುಗಳೆ ಇಂದಿನ ನಂಬಿಕೆಯೋ
ತಲೆಯ ಬಾಗಿ ತಾಳಿನ ಕಟ್ಟಿಕೊಂಡ ಅಬಲೆಯು
ಸೇವೆಗೈದ ತಪ್ಪಿಗೆ ಸೇವಕಳೆ ಆಗೋದಳು
ಎಲ್ಲವನ್ನು ಬಲ್ಲವನು ಏನು ಮಾಡಲಾಗದೆ
ಸಮಯಗಳ ಸುಳಿಯೊಳಗೆ ಸಿಕ್ಕಿಕೊಂಡು ನರಳಿದನು
ಎದೆಯಲ್ಲಿಯೆ ಮುಳ್ಳಿದ್ದರು ಕಾಲ ತೋರುವುದು ಗಡಿಯಾರ
ಪ್ರತಿ ಕತ್ತಲೆ ಬೆನ್ನಿಂದೆಯೆ ಬೆಳಕಿರುವುದೆ ವ್ಯವಹಾರ
ನಾಳೆ ನಮದು ಎನ್ನೋಣ ಹೀಗೆ
ಚಿಂತೆ ಎಂದು ನೀರ ಮೇಲಿನ ಗುಳ್ಳೆಯ ಹಾಗೇ
|| ನೆನ್ನೆಗಳ ನೆನಪುಗಳೆ ನಾಳೆಯ ಭರವಸೆಯೋ
ನಾಳೆಗಳ ಕನಸುಗಳೆ ಇಂದಿನ ನಂಬಿಕೆಯೋ ||
ಕನಸು ಕಟ್ಟೊ ಕೈಗಳಿಗೆ ಕಷ್ಟ ಉಂಟು ನೂರಾರು
ಬ್ರಹ್ಮ ಬರೆದ ಬರಹದಲಿ ದಿನಕ್ಕೊಂದು ತಕರಾರು
ನ್ಯಾಯ ನೀತಿ ಧರ್ಮಗಳ ನೆಚ್ಚಿ ನಡೆದವರಿಗೆಂದು
ನಾಲ್ಕು ದಿಕ್ಕಿನಲ್ಲಿಯೂ ಕಾಣೋರೆಲ್ಲ ನಮ್ಮೋರು
ಅಳುವಿಲ್ಲದ ಅಳುಕಿಲ್ಲದ ನಿಷ್ಕಲ್ಮಶ ಮಡಿಲಲ್ಲಿ
ಮಗುವಾಗಿಯೇ ದಿನ ಕಳೆಯುವ ಸೋದರರ ಕಥೆಯಿಲ್ಲಿ
ಒಳ್ಳೆ ಕಾಲ ಬಂದೆ ಬರಬೇಕು
ಅಲ್ಲಿವರೆಗೂ ನಂಬಿಕೆ ಹೆಸರಲಿ ನಗುತಿರಬೇಕು
||ನೆನ್ನೆಗಳ ನೆನಪುಗಳೆ ನಾಳೆಯ ಭರವಸೆಯೋ
ನಾಳೆಗಳ ಕನಸುಗಳೆ ಇಂದಿನ ನಂಬಿಕೆಯೋ
ಅದು ಯಾರೋ ಮಾಡಿದ ತಪ್ಪು ಇದು
ಇನ್ಯಾರಿಗೋ ಶಿಕ್ಷೆ ಬೇಕೆನಮ್ಮ
ಅಪರಂಜಿಯಂತಿರೋ ಜೀವ ಅದು
ಅಪರಾಧಿ ಪಟ್ಟವು ಇನ್ಯಾಕಮ್ಮ
ಎದೆಯಾ ದಹಿಸೋ ದುಃಖ ಮನೆಯಲ್ಲಿದೆ
ದೈವ ಕ್ಷಮಿಸೋ ತ್ಯಾಗದ ದೇವತೆ ಸೆರೆಮನೆಯಲ್ಲಿದೆ||
||ನೆನ್ನೆಗಳ ನೆನಪುಗಳೆ ನಾಳೆಯ ಭರವಸೆಯೋ
ನಾಳೆಗಳ ಕನಸುಗಳೆ ಇಂದಿನ ನಂಬಿಕೆಯೋ ||
