ನೆನ್ನೆಗಳ ನೆನಪುಗಳೆ ನಾಳೆಯ ಭರವಸೆಯೋ
ನಾಳೆಗಳ ಕನಸುಗಳೆ ಇಂದಿನ ನಂಬಿಕೆಯೋ
ನೆನ್ನೆಗಳ ನೆನಪುಗಳೆ ನಾಳೆಯ ಭರವಸೆಯೋ
ನಾಳೆಗಳ ಕನಸುಗಳೆ ಇಂದಿನ ನಂಬಿಕೆಯೋ
ಈ ಯೌವ್ವನಕೆ ಒಂದು ಶುಭಾಷಯ
ಹೊಸ ಜೀವನಕ್ಕೆ ಒಂದು ಶುಭಾಷಯ
ಬದುಕೆ ನಮಗೊಂದು ಹಿಮಾಲಯ
ಅಲ್ಲಿ ನಾವು ನೀವುಗಳೆ ಜಲಾಶಯ
ಹೃದಯ ಅರಳೋ ಪ್ರೀತಿಯೇ ನಮ್ಮುಸಿರು
ರೆಪ್ಪೆ ತೆರೆದು ನಕ್ಕರೆ ಸಾಕು ಹಚ್ಚನೆ ಹಸಿರು
||ನೆನ್ನೆಗಳ ನೆನಪುಗಳೆ ನಾಳೆಯ ಭರವಸೆಯೋ
ನಾಳೆಗಳ ಕನಸುಗಳೆ ಇಂದಿನ ನಂಬಿಕೆಯೋ ||
ಅರಳುವ ಹೂವಿಗೆ ಎಲ್ಲುಂಟು ಬಾಗಿಲು
ಕೋಗಿಲೆ ಹಾಡಿಗೆ ಯಾರು ತಾನೇ ಕಾವಲು
ಅಂಗೈಲೇ ಸ್ವರ್ಗನ ದೊರೆಯಂಗೆ ಬರೆದಿಟ್ಟು
ಒಂದೊಂದು ಗೆರೆಯನ್ನು ಆಳೋರೆ ನಾವುಗಳು
ಮಳೆಬಿಲ್ಲನು ಬಿಡಿಸಿರುವುದು ಯಾವ ಕಲೆಗಾರನ ಕುಂಚ
ನಕ್ಷತ್ರವ ಚೆಲ್ಲಿರುವುದು ಯಾವ ಬಳೆಗಾರನ ಗುಚ್ಛ
ತಲೆಯ ಎತ್ತಿ ನಿಂತರೆ ಆಕಾಶ
ಕಾಲ ಕೆಳಗೆ ಚಾಪೆಯಂತೆ ಒಂದೇ ನಿಮಿಷ
||ನೆನ್ನೆಗಳ ನೆನಪುಗಳೆ ನಾಳೆಯ ಭರವಸೆಯೋ
ನಾಳೆಗಳ ಕನಸುಗಳೆ ಇಂದಿನ ನಂಬಿಕೆಯೋ ||
ಒಂದೊಂದು ಹೃದಯಕ್ಕು
ಒಂದೊಂದು ಜೊತೆಯುಂಟು
ಒಂದೊಂದು ಜೊತೆಗಳಿಗು
ಒಂದೊಂದು ಕಥೆಯುಂಟು
ಪ್ರಕೃತಿ ಅನ್ನೋದು ಎಲ್ಲರಿಗೂ ಒಂದೇನೆ
ಪ್ರೀತಿಯಿಂದ ಕೈ ಚಾಚು ತಿಳಿಸಿವುದು ತನಗುಟ್ಟು
ಪ್ರತಿ ಹೆಜ್ಜೆಗೂ ಸಂತೋಷದ ಪಲ್ಲವಿಯ ಹಾಡೋಣ
ಪ್ರತಿ ಸಂಭ್ರಮ ಸಂದರ್ಭವ ನಮದಾಗಿಸಿಕೊಳ್ಳೋಣ
ಭೂಮಿ ಸುತ್ತ ನಾವಾಗುವ ಗುರುತುಗಳು
ಸೋಲೇ ಇಲ್ಲ ಇಲ್ಲಿ ಹತ್ತು ಕೈಗಳು ಹತ್ತಿರವಿರಲು
||ನೆನ್ನೆಗಳ ನೆನಪುಗಳೆ ನಾಳೆಯ ಭರವಸೆಯೋ
ನಾಳೆಗಳ ಕನಸುಗಳೆ ಇಂದಿನ ನಂಬಿಕೆಯೋ
ಈ ಯೌವ್ವನಕೆ ಒಂದು ಶುಭಾಷಯ
ಹೊಸ ಜೀವನಕ್ಕೆ ಒಂದು ಶುಭಾಷಯ
ಹೃದಯ ಅರಳೋ ಪ್ರೀತಿಯೇ ನಮ್ಮುಸಿರು
ರೆಪ್ಪೆ ತೆರೆದು ನಕ್ಕರೆ ಸಾಕು ಹಚ್ಚನೆ ಹಸಿರು||
||ನೆನ್ನೆಗಳ ನೆನಪುಗಳೆ ನಾಳೆಯ ಭರವಸೆಯೋ
ನಾಳೆಗಳ ಕನಸುಗಳೆ ಇಂದಿನ ನಂಬಿಕೆಯೋ||
