ಜೀವ ನೀನು ನನ್ನೊಲವೇ ನಿನ್ನ ಹಿಂದೆ ನಾ ಬರುವೇ
ಅದು ಎಲ್ಲಿಂದ ನೀ ಬಂದೆ ಓ ನನ್ನ ದೇವತೆ
ಪೂಜಿಸಲೇ ಪ್ರೀತಿಸಲೇ ಪ್ರೀತಿಸಲೇ ಪೂಜಿಸಲೇ
ಜೀವ ನೀನು ನನ್ನೊಲವೇ ನಿನ್ನ ಹಿಂದೆ ನಾ ಬರುವೇ
ನನ್ನಲ್ಲು ಹೀಗೊಂದು ಮನಸ್ಸುಂಟು
ಅಂತಂದು ತಿಳಿಸಿದ್ದೆ ನೀ ಬಂದು
ನೀ ಯಾರೊ ನಂಗೆಂದು ಯಾರನ್ನ ಕೇಳೋದು
ನೀನೇನೆ ಹೇಳಿಂದು
ನಾನು ಬಡಪಾಯಿ ನೀ ನನ್ನ ಹೊಸತಾಯಿ
ನಾನು ದಿನಗೂಲಿ ನೀ ನನ್ನ ದೊರೆಸಾನಿ
ನನ್ನೆದೆಯ ಮರುಭೂಮಿಯಲಿ
ಹೊರಹೊಮ್ಮಿದ ಗಂಗೆಯು ನೀ
ನೀ ಬಂದು ಆಗಿರುವೆ ಜೀವಂತ
ನನ್ನ ಈ ಜೀವ ಇನ್ನು ಬರಿ ನಿಂಗಂತ
||ಜೀವ ನೀನು ನನ್ನೊಲವೇ ನಿನ್ನ ಹಿಂದೆ ನಾ ಬರುವೇ||
ಕಲ್ಲಂತ ಎದೆಯಲ್ಲಿ ಬೇಸಾಯ ಮಾಡಿರುವೆ
ಹೂ ನೆಟ್ಟು ಕೂತಿರುವೆ
ಸುಡುಗಾಡ ಊರಲ್ಲಿ ಸಂಗೀತ ಹಾಡಿರುವೆ
ನನ್ನನ್ನೆ ಕಾಡಿರುವೆ
ನಾನು ಅಲೆಮಾರಿ ನೀ ಬಲು ಸುಕುಮಾರಿ
ನಾನು ಬಿರುಗಾಳಿ ನೀ ತಂಪು ತಂಗಾಳಿ
ನನ್ನ ಜೊತೆ ನೀ ನಡೆಯುವುದು ಇದು ಸರಿಯೆ ನಾ ತಿಳಿಯೆ
ಇಷ್ಟೊಂದು ಸುಂದರವೆ ಈ ಲೋಕ
ಯಾಕೆ ನೀ ನಂಗೆ ತೋರಿಸಿದೆ ಈ ಸ್ವರ್ಗ
||ಜೀವ ನೀನು ನನ್ನೊಲವೇ ನಿನ್ನ ಹಿಂದೆ ನಾ ಬರುವೇ
ಅದು ಎಲ್ಲಿಂದ ನೀ ಬಂದೆ ಓ ನನ್ನ ದೇವತೆ
ಪೂಜಿಸಲೇ ಪ್ರೀತಿಸಲೇ ಪ್ರೀತಿಸಲೇ ಪೂಜಿಸಲೇ||
||ಜೀವ ನೀನು ನನ್ನೊಲವೇ ನಿನ್ನ ಹಿಂದೆ ನಾ ಬರುವೇ||
