ಮೊದಮೊದಲು ನನ್ನ ಎದೆಯ ಒಳಗೆ
ನದಿಯೊಂದು ಓಡಿದಂತೆ
ನಾನೆಂದೊ ಮರೆತುಹೋದ ಹಾಡು
ನೀ ಬಂದು ಹಾಡಿದಂತೆ
ಮತ್ತೆ ನಿನ್ನ ಕಂಡಾಗ ನನಗೆ ಏನೊ ಅಚ್ಚರಿ ಹಾ
ನನ್ನ ಮನವ ಸವರುತಿದೆ ನಿನ್ನ ಪ್ರೇಮದ ನವಿಲುಗರಿ
||ಮೊದಮೊದಲು ನನ್ನ ಎದೆಯ ಒಳಗೆ
ನದಿಯೊಂದು ಓಡಿದಂತೆ
ನಾನೆಂದೊ ಮರೆತುಹೋದ ಹಾಡು
ನೀ ಬಂದು ಹಾಡಿದಂತೆ||
ಸಾಗರದ ಸಂತೆಯಲಿ ರಾಶಿ ರಾಶಿ ಮುತ್ತುಗಳು
ನಿನ್ನ ಗುಣ ಬಣ್ಣಿಸಲು ಸಾಲು ನಿಂತು ಕಾಯುತಿವೆ
ಆಗಸದ ಊರಿನಲಿ ಕೋಟಿ ಕೋಟಿ ತಾರೆಗಳು
ನಿನ್ನ ಕಣ್ಣ ಸನ್ನೆಯ ಸಾಲವಾಗಿ ಪಡೆಯುತಿವೆ
ಕೋಟಿ ಜನ್ಮದ ಪುಣ್ಯ ಮಾಡಿರುವೆ ಹೆಣ್ಣಿಗೆ ಭಾಗ್ಯ
ನಿನ್ನಂಥ ಗುಣವಂತ ಸಿಗುತಾನೆ ಓ ಸರದಾರ
ಅಂಥ ಪುಣ್ಯವ ಪಟ್ಟ ಹೆಣ್ಣಾಗಿ ನಾ ಬರಲೆ ನಿನ್ನ ವಧುವಾಗಿ
||ಮೊದಮೊದಲು ನನ್ನ ಎದೆಯ ಒಳಗೆ
ನದಿಯೊಂದು ಓಡಿದಂತೆ
ನಾನೆಂದೊ ಮರೆತುಹೋದ ಹಾಡು
ನೀ ಬಂದು ಹಾಡಿದಂತೆ||
ಹೂ ಬನದ ಚಿಟ್ಟೆಗಳ ಕಿವಿಯ ಓಲೆ ನಿನ್ನ ನಗು
ಹುಣ್ಣಿಮೆಯ ಚಂದ್ರನಿಗೆ ನೀನೆ ತಾನೆ ಸ್ವಂತ ಮಗು
ಸೋಲುತಲಿ ಸೋಲಿಸುವ ನಿನ್ನ ಮೌನ ಬಲು ಚೆಂದ
ಮುಟ್ಟದೆಯೆ ಗಿಲ್ಲುವೆ ನೀ ಅವಳಿ ಜವಳಿ ಕಣ್ಣಿಂದ
ನೀನು ಇರದ ನಾನು ಆ ನೀರೆ ಇರದ ಮೀನು
ಬದುಕೆ ಉಳಿಯನು ನಾನು ಕೈ ಜಾರಿ ಹೋದರೆ ನೀನು
ಒಂದೇ ಒಂದು ಕ್ಷಣಕೂಡ ನಿನ್ನ ಬಿಟ್ಟಿರಲಾರೆ ನಾನು
||ಮೊದಮೊದಲು ನನ್ನ ಎದೆಯ ಒಳಗೆ
ನದಿಯೊಂದು ಓಡಿದಂತೆ
ನಾನೆಂದೊ ಮರೆತುಹೋದ ಹಾಡು
ನೀ ಬಂದು ಹಾಡಿದಂತೆ
ಮತ್ತೆ ನಿನ್ನ ಕಂಡಾಗ ನನಗೆ ಏನೊ ಅಚ್ಚರಿ ಹಾ
ನನ್ನ ಮನವ ಸವರುತಿದೆ ನಿನ್ನ ಪ್ರೇಮದ ನವಿಲುಗರಿ||
