ಕಾಗದದ ಊರಿನಲ್ಲಿ ಪೆನ್ನಿಗೆಲ್ಲಿದೆ ಬರ
ಮಸಿ ಕುಡಿಕೆ ಹಿಡಿದು ಬಾ ಪ್ರೇಮಬರಹ ಗೀಚಲು
ಒಲುಮೆ ಕೀಬೋರ್ಡಿನಲ್ಲಿ ಅಕ್ಷರಕ್ಕೆಲ್ಲಿದೆ ಬರ
ಕೈಯಯ ಬೆರಳು ಬಾಗಿದ ಪ್ರೀತಿ ಪದವ ಒತ್ತಲು
ಕವಿಗಳಲ್ಲ ನಾವುಗಳು ಮನಸ್ಸಿನದೆ ಸಾಲುಗಳು
ಮುಟ್ಟೆ ಇಲ್ಲ ನಾವುಗಳು ಹಂಸಲೇಖರ ಪಾದಗಳು
||ಕಾಗದದ ಊರಿನಲ್ಲಿ ಪೆನ್ನಿಗೆಲ್ಲಿದೆ ಬರ
ಮಸಿ ಕುಡಿಕೆ ಹಿಡಿದು ಬಾ ಪ್ರೇಮಬರಹ ಗೀಚಲು||
ಓ ಮಳೆಗಾಲದ ರಸ್ತೆ ಮೇಲಿನ
ಕೆಸರಾಗಿ ನಿನ್ನ ಕಾಲು ತಾಗೊ ಆಸೆ
ಹಳೇ ಕಾರಿನ ಸೈಲೆನ್ಸರಿನ
ಮಸಿಯಾಗಿ ನಿನ್ನ ಹಣೆ ಸೇರೊ ಆಸೆ
ನಸುವು ಹುಟ್ಟಲಿ ಓಓಓ ನಿನ್ನ ಇಷ್ಟದ
ನಿದಿರೆಯಾಗಿ ಸುಖ ಕೊಡುವ ಆಸೆ
ನಸುವು ಹುಟ್ಟಲಿ ಓಓಓ ನಿನ್ನ ಇಷ್ಟದ
ನಿದಿರೆಯಾಗಿ ಸುಖ ಕೊಡುವ ಆಸೆ
ಕಪ್ಪು ಹಲಗೆ ನೀನು ಬಿಳಿ ಬಳಪ ನಾನು
ಕಾದ ಭೂಮಿ ನೀನು ಮಳೆಹನಿ ನಾನು
ಇಂಕಿಲ್ಲದ ಪೆನ್ನುಗಳು ಖಾಲಿಯಾದ ಲೆಡ್ಡುಗಳು
ತಲೆಕೆಟ್ಟ ಆ ದಿನಗಳು ತಮಟೆ ಹೊಡೆವ ಈ ಕೈಗಳು
ಓ ಸೆಲ್‌ ಫೋನಿನ ಟಚ್‌ ಸ್ಕ್ರೀನಿನ
ವಾಲ್‌ ಪೇಪರಾಗಿ ನಿನ್ನ ಸೆಳೆಯೊ ಆಸೆ
ಹಳೆ ಕಾಲದ ಓಓಓ ಹೆವಿ ಗಾತ್ರದ
ರೇಡಿಯೊ ಆಗಿ ಕಿವಿಯ ಮುಟ್ಟೊ ಆಸೆ
ಗ್ಯಾರಂಟಿಯ ಓಓಓ ಗೋರಂಟಿಯಾಗಿ
ನಿನ್ನ ಕೈಯ್ಯ ತುಂಬ ಹರಡೊ ಆಸೆ
ಗ್ಯಾರಂಟಿಯ ಓಓಓ ಗೋರಂಟಿಯಾಗಿ
ನಿನ್ನ ಕೈಯ್ಯ ತುಂಬ ಹರಡೊ ಆಸೆ
ಕಲರ್‌ ಕೊಡೆಯು ನೀನು ಅದರ ಹಿಡಿಯು ನಾನು
ಹೊಳೆವ ಬಲ್ಬು ನೀನು ಅದರ ಸ್ವಿಚ್ಚು ನಾನು
ಬರಿದಾಗಿದೆ ಪದಗಳು ಬೋಳಾದ ತಲೆಗಳು
ಬದಲಾದ ಈ ಜನಗಳು ಫ್ಲಾಪಾದ ಒಳ್ಳೆ ಹಾಡುಗಳು
