ಯಾವ ಊರ ಪೋರ ನೀನು
ಕಾರಣವಿಲ್ಲದೆ ಒಮ್ಮೆ ಕಚ್ಚಲೇನು
ಹದ್ದು ಮೀರಿ ಪೆದ್ದಿ ನಾನು
ಕದ್ದು ಒಮ್ಮೆ ನಿನ್ನ ಮೀಸೆ ಮುಟ್ಟಲೇನು
ಇರಲಾರೆ ಇನ್ನು ಇರಲಾರೆ
ನನ್ನ ಮೇಲೆ ನಂಗೇನೆ ಸಿಟ್ಟು ಬಂದಿದೆ
ಹೇಳು ನೀ ಯಾತಕೆ ಅಡ್ಡ ಸಿಕ್ಕಿದೆ
ಯಾವ ಊರ ಪೋರ ನೀನು
ಕಾರಣವಿಲ್ಲದೆ ಒಮ್ಮೆ ಚಚ್ಚಲೇನು
ಕಣ್ಣಲ್ಲೆಷ್ಟೆ ಕಣ್ಣು ಸೇರಿದರು ಸಾಲಲ್ಲ
ನಾನಿಂತ ಕಿಡಿಗೇಡಿ ನನಗೆ ಗೊತ್ತಿರಲಿಲ್ಲ
ಪ್ರೀತಿ ಎಂದರೇನು ತಿಳಿಯಬೇಕಾಗಿಲ್ಲ
ಇಂತ ಮುದ್ದು ಮೋರೆ ಸಿಕ್ಕರೆ ಸಾಕಲ್ಲ
ನಿಂತಿರುವೆ ನಾನು ನಿಂತಿರುವೆ
ಮಳ್ಳ ಮನಸ್ಸು ಈಗಾಗಲೆ ಮುಂದೆಹೋಗಿದೆ
ಕಳ್ಳ ಕನ್ನಡಿಯೇನೊ ಅಂದ ಹಾಗಿದೆ
||ಯಾವ ಊರ ಪೋರ ನೀನು
ಕಾರಣವಿಲ್ಲದೆ ಒಮ್ಮೆ ಕಚ್ಚಲೇನು||
ನಾನೇನಾದರು ನಿನ್ನ ಬಿಗಿದಪ್ಪಿ ಕೊಂಡರೆ
ಬೈಬೇಡ ಮಹರಾಯ ನಂದೇನು ತಪ್ಪಿಲ್ಲ
ಹುಂಬು ಧೈರ್ಯವೊಂದು ಮೈದುಂಬಿಕೊಂಡಾಗ
ನಾಚಿಕೆ ಕಿಂಚಿತ್ತು ಕಾಪಾಡಲೆ ಇಲ್ಲ
ಒಟ್ಟಿನಲಿ ಕೊನೆಗೆ ಒಟ್ಟಿನಲಿ ನಂಗು ಹೇಳದೆ
ಹರೆಯವು ತುಂಬ ಸೊಕ್ಕಿದೆ
ಕಮ್ಮಿ ಹೇಳಿದೆ ನಾನು ತುಂಬ ಮಿಕ್ಕಿದೆ
||ಯಾವ ಊರ ಪೋರ ನೀನು
ಕಾರಣವಿಲ್ಲದೆ ಒಮ್ಮೆ ಕಚ್ಚಲೇನು
ಹದ್ದು ಮೀರಿ ಪೆದ್ದಿ ನಾನು
ಕದ್ದು ಒಮ್ಮೆ ನಿನ್ನ ಮೀಸೆ ಮುಟ್ಟಲೇನು||
